Albisteak

Aurten ere udazken-neguari adio esateko eta udaberri-udarari ongietorria egiteko otsailaren 23 eta 24an, ostiral eta larunbatean TXANDA elkartea osatzen duten hainbat saltokik “AZKEN TXANPA” ekimen berria (orain artean OUTLET deitu izan dena) antolatuko dute gure herriko kaleetan zehar.

Aurtengo “AZKEN TXANPA”n parte hartzera animatu diren dendak honakoak dira: Iramira, Maibi, Mendizabal, Marku, Urtaza, Urrutia gizonak, Chic, Sua, Kuttun, Luar, Ane mertzeria, Laket I, Laket II, Haritza, Itziar optika, Bellotza, Ni moda, Baio, Caravanas Oñate, Olalde I, Olalde II, Arkauz optika, Amalur eta Dor.

Beraz, baduzu zer egin datorren aste bukaeran: saltoki hauei bisitatxo bat burutu, zer duzun gogoko aukeratu eta aurtengo neguko denboraldia apeta batekin agurtu. Zure zain baikaude!

Dena prest dugu zu hartzeko! Animatu!

BAZKIDE EGIN ZAITEZ!

OHARRA: TXANDAko elkartekide ez bazara eta ekimenean parte hartu nahi baduzu, jar zaitez gurekin harremanetan ondorengo helbide elektronikora idatziz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

2017 urteari agur esateko eta 2018ari ongi etorria emateko, TXANDAk luxuzko egitaraua prestatu du, oñatiarroi eta bertaratzen den edonori urtean zehar erakutsi duten leialtasuna eskertzeko. Horretarako, urteko garai berezietariko bat aukeratu dute txandakideek, hau da, Gabonak. Eta aurtengoak sariz beteta datoz, data hauek ahaztezinetan bihur daitezen.

1200€ banatuko dira saritan. Abenduaren 23an 200€ko 3 erosketa-txartel zozketatuko dira eta urtarrilaren 4an ere 200€ko beste 3 txartelen zozketa burutuko dute.

Sari hauetariko bat norberak eskuratzeko, zer prozedura jarraitu behar da? Oso erraza da: abenduan zehar eta urtarrilaren lehen egunetan TXANDAko edozein saltokitan egindako erosketa bakoitzaren ondoren, bertan dagoen txartela datu pertsonalekin bete behar da, eta kutxan sartu. Txartel guztiekin 2 zozketa egingo dira eta bakoitzetik 200€ko saria egokituko zaien hiru saritu irtengo dira. Zozketak, aurretik aipatu dugun bezala, abenduaren 23an eta urtarrilaren 4an izango dira.

Gabonetako egitarau honetan ere TXANDAko kideak ez dira etxeetako txikiekin ahaztu eta eurei zuzenduta, urtarrilaren 5erako Errege Magoen desfilea antolatu dute. Errege Magoek Oñatira egingo duten bisita aprobetxatuz, herriko kale nagusiak zeharkatu dituzte, herritarrok lagundurik eta giroa abesti politez… beroturik. Ondoren, desfilea herriko plazan amaituko da eta Errege Magoek haurren eskutitzak jasoko dituzte, urtero legez, hauetariko bakoitzari hitz politak eskainiz.

Beraz, aurtengo Gabonetako erosketak herrian egin, zozketetan parte hartu eta zorte izan; TXANDAko dendetan erosketak egiteak sariak dakartzatelako.

2018an guztion apustua herriko merkataritza! GABON ZORIONTSUAK!

BAZKIDE EGIN ZAITEZ!

Bertako saltokietan erosketak sustatu eta kontsumitzaileen fidelizazioa saritzea dira Oñatiko Txantxiku Dendarixen Alkartiak, TXANDAk martxan jarri duen ekimen berriaren helburuak. Honako jarduera, beraz, azaroan zehar garatuko da.

Alkartetik sustatzen den kanpaina hau TXANDAren txartelarekin hilabete honetan zehar egiten dituzun erosketa guztien artean 5€ko sari bat lortzeko aukeran oinarritzen da, ordainketa egiten duzun une berean.

Promozio-jarduera honetan 5€ko 150 erosketa-bale zozketatuko dira, orotara 750€ banatuko ditugu gure bezeroen artean. Deskontu-saria egokitzen bazaizu, ordainketa egiten duzun momentuan bertan aterako zaizu eta salneurri osotik deskontatuko zaizu.

Beraz, Oñatiko negozio eta saltokietako kontsumoa sustatu eta fidelizatzeko ekimen honetan parte hartzera animatu eta ez utzi aukera hau pasatzen.

BAZKIDE EGIN ZAITEZ!

Aurtengo TXANDA EGUNAren edizio berria ekintzaz beterik datorkigu. Luxuzko menua Oñatiko Merkatarien Elkartearen 20. urteurrena ospatzeko eta gure bezeroei urtean zehar erakutsitako fideltasuna eskertzeko. Eta hau guztia urriaren 27an, ostiralean burutuko da.

Egun osoan zehar, hainbat zozketa, magia saio, kalean zehar musika ibiltaria, TXANDAko dendetan pintxoen banaketa, dantza saio, eta abar luze batez gozatzeko aukera izango dute bertaratzen diren guztiek.

Aurten, 20. urteurrena ospatzen dugun honetan, TXANDAko saltokietatik eskaintzen dugun zerbitzua hobetzeko eta bezeroek herriko komertzioen inguruan duten iritzi orokorra jakiteko helburuekin (indar-guneak, ahulguneak…), asebetetze inkesta jarriko dugu zuen esku. Hori horrela, urriaren 27tik azaroaren 3a bitartean, galdetegia betetzeko prest agertzen diren herritarrei aukera eskaini eta euren laguntza eskertzea interesgarria iruditzen zaigu. Behin balorazioak jasota eta aztertuta, zerbitzu hauek optimizatzen joango gara eta datorren urtera begira beharrezko ikusten diren alorrak landuko ditugu. Gainera, gehitu behar dugu inkesta hauek betetzen duten pertsona guztien artean zozketa bat egingo dela, saria 200€koa izango delarik, gure saltokietan gastatzeko.

Gertura zaitez gurekin TXANDA EGUNA ospatzera!

BAZKIDE EGIN ZAITEZ!