Albisteak

TXANDAk, Txantxiku Dendarixen Alkartiak udalerrian erosten jarraitzeko, tokian-tokikoa kontsumitzeko eta Oñati bizirik mantentzeko aldarrikapena egiteko sentsibilizazio kanpaina berri bat jarri du abian, TOKIKOA EDO TOKIOKOA? lelo pean.

Joku Olinpikoen aitzakiaz, denok Tokiora begira egongo garen honetan, TXANDAtik oso garrantzitsu ikusten da Tokikoak (eta ez Tokiokoak) gure egunerokoan duen inportantziaz jabetzea. Hori dela eta, merkatari oñatiarrok inoiz baino gehiago Tokikozalearen figura aldarrikatzen dugu.

Tokikozale hitz horrek Oñatiko dendetan erosten zalea den pertsona deskribatzen du, bizi garen herri honetan erosketak egiteko joera duen oro, 0 km-ko gaiak kontsumitzen dituena eta herriari bizitza ematen diona.

Beraz, ZU TOKIKOZALEA ZARA?

Gainera, uda datorrenez, gure herriko dendetan erosten duzuenoi kotoi organikozko poltsa batekin sarituko zaituztegu, hau da, Tokikozaleoi zuen egunerokoan erabil dezazuen. Eta oporretan ere Tokikozale zaretela aldarrikatzeko: erabili lagunekin, igerilekuan, hondartzan, paseorako, erosketetarako…; atera argazki bat poltsarekin nondik zabiltzaten kontatzeko. Eta, #NiTokikozale hastag-aren bitartez, parte hartu TXANDAko Instagrameko zozketan. Argazki guztien artean, Oñatiko dendetan erosteko 50 €ko 6 sari zozketatuko dira irailean.

Ekimen hau TXANDAk antolatu du Oñatiko Udalaren eta Eusko Jaurlaritzako Turismo, Merkataritza eta Kontsumo Sailaren laguntzarekin.

BAZKIDE EGIN ZAITEZ!

OHARRA: TXANDAko elkartekide ez bazara eta ekimenean parte hartu nahi baduzu, jar zaitez gurekin harremanetan ondorengo helbide elektronikora idatziz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

#NiTokikozale #erosioñatin #oñatieskaintza #oñatikodendak #oñatinbizioñatinerosi #oñati #TxandaElkartea #dendatxikiakbizirik

Maiatzaren 10etik 31 bitartean, TXANDAk, Txantxiku Dendarixen Alkartiak kanpaina berri bat jarri du abian, oñatiarrei zuzenduta. Bertako saltokietan erosketak sustatu eta kontsumitzaileen fidelizatzea saritzea baitira martxan ezarri duen ekimen berriaren helburuak.

Aipaturiko aste horietan zehar, TXANDAko txartelarekin ordaintzen duzun erosketa bakoitzean 5 € (100 sari), 10 € (90 sari) edo 50 €ko (2 sari) hobariarekin egiteko aukera izango duzu. Guztira 1.500 € banatuko dira. TXANDA txartelarekin ordainketa egiten duzun unean bertan deskontatuko zaizkizu sari horiek.

Beraz, Oñatiko negozio eta saltokietako kontsumoa sustatu eta fidelizatzeko ekimen honetan parte hartzera animatzen zaitugu eta aukera berri hori aprobetxatzea zure esku dago; gehienbat, gure gizartea jasaten ari den pandemia garai gogor eta zail hauetan.

Ekimen hau TXANDAk antolatu du, Oñatiko Udalaren eta Eusko Jaurlaritzaren Turismo, Merkataritza eta Kontsumo Sailaren laguntzarekin.

GORA GURE HERRIKO KOMERTZIOA!

BAZKIDE EGIN ZAITEZ!

OHARRA: TXANDAko elkartekide ez bazara eta ekimenean parte hartu nahi baduzu, jar zaitez gurekin harremanetan ondorengo helbide elektronikora idatziz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

#bizierosimaitatuoinati #oñatikodendak #dendatxikiakbizirik #herritikherriarentzat #txanda #oñati

Martxoaren 22an hasita, TXANDAk, Txantxiku Dendarixen Alkartiak sustapen kanpaina berri bati hasiera emango dio, helburua bere bezeroen fideltasuna saritzea baita. Badator Udaberrixa! du izenburua eta martxoaren 27an amaituko da. Beraz, goza dezagun berarekin, sariak zure zain baitaude.

Alkartiaren saltoki ezberdinetan 20 eta 10€ko erosketa txartelak aurkituko dituzu eta egiten duzun erosketa bakoitzean lortzeko aukera izango duzu.

Saritua irteten den billete bakoitza hurrengo erosketan trukatu ahal izango duzu; baina kontuan izan, eskuratu duzun saltoki berean izan behar dela.

Horregatik, martxoaren 22tik 27ra, biak barne, ez zaitez etxean gelditu eta TXANDAk bere bezeroen fidelizazioa eskertzeko eta saritzeko martxan jarri duen kanpaina horretan parte hartu. Zenbat eta erosketa gehiago egin, saria lortzeko aukera gehiago.

Azkenik, gehitu, ekimen hau TXANDAk antolatu du Udal oñatiar eta Eusko Jaurlaritzaren Turismo, Merkataritza eta Kontsumo sailaren laguntzaz.

BADATOR UDABERRIXA HITZORDU BERRIAN ZURE ZAIN EGONGO GARA ETA ZORTE ON!

BAZKIDE EGIN ZAITEZ!

OHARRA: TXANDAko elkartekide ez bazara eta ekimenean parte hartu nahi baduzu, jar zaitez gurekin harremanetan ondorengo helbide elektronikora idatziz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Indartsu dator aurten TXANDAk, Txantxiku Dendarixen Alkartiak antolatu duen “AZKEN TXANPA AZOKA” ekimena; udazken-neguari agurra eta, era berean, udaberri-udari ongietorria emateko. Elkarteko hogeitik gora saltokik parte hartuko dute otsailaren 26 eta 27an, ostiral eta larunbatean, gure herriko kaleetan zehar oñatiar guztiei zabalduta egongo den jarduera berri honetan.

Aurtengo “AZKEN TXANPA AZOKA” edizioan parte hartuko duten establezimenduak ondorengo horiek izango dira: Urrutia gizonak, Itziar optika, Kimu-Urtxin, Oñabike, Aranburu margoak, Maibi, Haritza, Kuttun, Arkauz optika-audiologia, Hirukar, Iramira, Luar, Ni moda, Chic, Marku, Bellotza, Mendizabal, Sillero, D’or, Amets-Berezao, Laket, Sua eta Ane mertzeria.                                                                                          

Azpimarratu, beste alde batetik, aurten “AZKEN TXANPA AZOKA”n eta bizi dugun pandemia egoera medio, ez dela kaleak girotzeko ezer antolatu. Hori bai, gure saltokietan jendetzarik pilatu ez dadin eta segurtasun neurriak errespeta daitezen, postuak denda kanpoan jarriko dira.

Beraz, edizio berri honetan indar gehiagorekin parte hartu behar dugu eta bat egingo dugu saltoki oñatiarrek antolatu duten “AZKEN TXANPA AZOKA”rekin, beherapen ikaragarriaz baliatuz. Horregatik, aprobetxatu honako aukera paregabea.

Neguari agurtu eta udaberriari ongietorria egitera hurbil zaitezte!

Ez galdu ostiral eta larunbatean eskaintzen zaizuen parada! 

BAZKIDE EGIN ZAITEZ!

OHARRA: TXANDAko elkartekide ez bazara eta ekimenean parte hartu nahi baduzu, jar zaitez gurekin harremanetan ondorengo helbide elektronikora idatziz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.